Властите за ископ на јаглен во Полска во саботата соопштија дека контактот со 10 рудари е изгубен по подземниот потрес и испуштањето гас метан во рудникот Боринија-Зофиовака на југот на земјата, пренесе АП.
Инцидентот во саботата наутро се случил на околу 900 метри под земја. Тоа беше втор инцидент за само четири дена во регионот за ископ на јаглен околу градот Јастржебие-Здрој, во близина на границата со Чешка.
Повторените експлозии на метан од средата во блискиот рудник Пњовек оставија пет мртви, седум исчезнати и десетици повредени.
Компанијата JSW соопшти дека 52 работници биле во зоната на земјотресот во рудникот Боринија-Зофиовска и 42 од нив можеле сами да се евакуираат. Започна акцијата за спасување на 10-те исчезнати рудари.
