Многу длабок пораз од Трепча во „ФИБА Европа купот“

Косовскиот шампион во кошарка Трепча го загуби и претпоследниот натпревар од групната фаза во „ФИБА Европа купот“. Трепча загуби од германски Лудвигсбург со 33 поени разлика 87:54. 
Лудвигсбург ги доби четирите четвртини. Првите ги доби со 15:11, додека последните три четвртини ги доби многу длабоко. Втората четвртина ја доби со 25:13, третата 25:16 и последната 22:14.

Најефикасен во тимот на Митровица беше Лери Томас. Тој постигна 18 поени, а имаше и три скока и две асистенции. Микаиле Тмушиќ постигна 14 поени, три скока и една асистенција, а по три постигнаа и Малик Џонсон, Батин Туна и Ерјон Кастрати. Кај германскиот тим најдобар беше Џоел Скот со 20 поени и шест скока, додека Ерза Мањон-Ван Ејук постигна 17 поени, пет скока и осум асистенции. Џастин Симн постигна 16 поени, три скока и една асистенција.

За Митровица тоа беше петти пораз во исто толку натпревари, вклучувајќи го и поразот на дуелот одигран во Митровица против германскиот тим. Тој натпревар длабоко го добија и Германците, 70:57.
Трепча по дуелот со Лудвигсбург го игра последниот натпревар на гостувањето кај шкотскиот Каледонија гладијаторс.

За Трепча ова е втор пат по ред да се појавува во групната фаза од натпреварувањето на ФИБА, „ФИБА Европа Купот“. Претходно Митровица беше елиминирана од квалификацискиот турнир во Лигата на шампионите.