Компанијата за модификација на автомобили, MTM, го подготви пакетот „Stage 4“ за зајакнување на моделите на Audi како што се RS6 Avant, RS7 Sportback и RS Q8.
Овие модели имаат 4.0-литарски Twin-Turbo V8 мотор кој сега е засилен на 1001 коњски сили, пренесува KOHA. МТМ не ги откри деталите за перформансите на овие модели по засилувањето, но се сеќаваме дека стандардниот модел RS6 со 600 коњски сили брзината до 100 километри на час ја достигнува за 3,6 секунди, а максималната до 305 километри на час.
Цената за такво засилување не е ниска, па пакетот „Stage 4“ за моделите RS6 и RS7 чини 43.599 долари, додека за RS Q8 43.999 долари.
{галерија}
Исто така, MTM нуди и други пакети за засилување, како што е „Stage 1“ (нуди засилување до 787 коњски сили); „Stage 2“ (812 коњски сили) и „Stage 3“ (962 коњски сили), со цени од 10.999 долари, 15.999 долари и 29.999 долари.
Пакетот вклучува и издувен систем „Milltek“ или „Akrapovic“, дополнителна задна заштита од карбонски влакна, специјални етикети итн.
