Познатата руска компанија за модификација на автомобили, TopCar, досега претстави многу пакети за Mercedes GLE и GLE Coupe, а сега носи уште еден нов пакет за овој модел.
Станува збор за пакетот наречен „TopCar Inferno“ и е посветен на моделот Mercedes-AMG GLE 63 S, кој му дава по „агресивен“ изглед, пренесува Koha.net.
Новиот пакет, меѓу другото, вклучува виолетова надворешност, проширени странични здолништа, нови браници, преден спојлер, хауба од карбонски влакна, предна решетка со логото „TopCar“, нов комплет прагови, заден дифузер, спојлер на багажникот итн.
Секако, ова не е се бидејќи сопственикот на ваков модел може да добие и нов сет од 22-инчни тркала, карбон-керамички систем за сопирање, спортски издувен систем и модифицирани амортизери.
Што се однесува до внатрешноста, TopCar избра најквалитетна кожа (може да биде виолетова како на фотографијата), елементи од карбонски влакна, теписи „Inferno“ и алуминиумски педали.
{галерија}
