Престижната германска автомобилска компанија Порше годинава одбележува 10 години од лансирањето на моделот Panamera. По тој повод подготви специјална серија која покрај стандардната верзија ќе биде достапна и како Sport Turismo.
Ова издание се вика „Panamera 10 Years Edition“ и доаѓа со ексклузивни бои и детали, пренесува Koha.net. Доаѓа и со 21-инчни „Sport Design“ тркала во бело-златна металик боја, како и логото „Panamera 10“ на предните врати.
Дополнително, стандардната верзија вклучува црна кожна внатрешност, загреани седишта, панорамски покрив, систем за звук Bose, систем за следење лента и препознавање сообраќајни знаци, како и камера од 360 степени.
{галерија}
Поточно, достапни ќе бидат верзиите „Panamera 10 Years Edition“ и „Panamera 4 10 Years Edition“ - со 3.0-литарски V6 Turbo мотор со капацитет од 330 коњски сили, како и „Panamera 4 E-Hybrid 10 Years Edition" верзија. со 2.0-литарски Twin-Turbo V6 мотор и електромотор, со вкупен капацитет од 457 коњски сили.
Што се однесува до цените, во САД, Panamera 10 Years Edition чини 103,300 долари, Panamera 4 10 Years Edition чини 107,500 долари и Panamera 4 E-Hybrid 10 Years Edition започнува од 116,900 долари.