Спортската верзија на Audi S8 ќе биде достапна на пазарот оваа година, пренесува Auto Bild.
Не се очекуваат револуционерни промени во дизајнот, но автомобилот ќе има 2,9 литарски V6 битурбо мотор. Се очекува да биде во понуда и 4,0-литарскиот V8 мотор со два турбо-полначи, пренесува KosovaPress. Овој агрегат може да биде сличен на оној на Porsche Panamera Turbo и се очекува да произведува над 500 коњски сили.
Новиот модел S8 се очекува да биде претставен во Париз, на почетокот на октомври, додека S8 Plus може да ја замени верзијата E-Tron, која се фокусира на перформансите наместо на ефикасноста. Се шпекулира дека ќе има електромотор од Panamera Turbo S E-Hybrid, кој има речиси 700 коњски сили.
Што се однесува до RS8, едвај се очекува да се појави оваа година, бидејќи Audi му дава приоритет на знакот RS во класата SUV, иако компанијата од Инголштад го лансираше моделот RS5 Sportback.
