Jeep наскоро може да се откаже од дизел опцијата за својата линија Wrangler, пишуваат автомобилските медиуми.
Информацијата беше објавена истовремено со најавата за излегување на специјалното издание под името Farout. Ова е наменето како Wrangler со ограничено производство и финално дизел издание.
Бидејќи Jeep презема се повеќе чекори кон електрификација, ваквиот потег не би бил изненадување. Plug-in хибридот Wrangler 4xe постои долго време, а неодамна се појави и нова верзија на Willys.
Генерацијата Wrangler дебитираше со MY2018, а 3.0-литарската опција EcoDiesel беше додадена подоцна. Шестцилиндричниот турбо мотор има 260 коњски сили. Се нуди во модели со четири врати и е поврзан со осумстепен автоматски менувач. /автоблог
