-
Превод: Латра Гаши
- 4 септември 2024 11:31 ч
- Споделете на:
Британскиот производител на луксузни автомобили Aston Martin го претстави најбрзиот автомобил што некогаш го има произведено на настан во Венеција, Италија. Новиот Vanquish достигнува максимална брзина од 345 километри на час и како бонус за љубителите на бензин, нема електрични или хибридни верзии. Автомобилот „Vanquish“ на Aston Martin е најбрзиот произведен од британската компанија за луксузни автомобили и е новиот водечки модел на компанијата.
Глобалните медиуми го видоа откривањето на новиот „Vanquish“ во италијанскиот град Венеција. Автомобилот достигнува брзина и до 345 километри на час, пишува агенцијата „АП“.
Автомобилот има целосно нов 5.2-литарски 12-цилиндричен мотор со импресивни перформанси.
„Значи, ова е најкултниот автомобил за нашата производна линија. Со 12-цилиндричен мотор, 830 коњски сили, фантастичен дизајн и мал волумен. Така ќе произведуваме помалку од 1000 единици годишно. И плус во силна соработка со нашиот Формула 1 тим, кој нуди импресивна динамика на возење и адреналин додека возите“, рече Марко Матиачи, глобален шеф на брендот.
Во канцелариите на магазинот Car во Обединетото Кралство се крена голема врева за новиот автомобил. Веста е на врвот на насловната страница на Интернет, а вестите од култниот британски производител на автомобили секогаш го будат интересот на читателите.
Можеби една од најизненадувачките работи за Vanquish е недостатокот на електрична или хибридна опција.
Но, Aston Martin сè уште користи традиционална бензинска сила и големиот V12 мотор.
Според Тим Полард, главен уредник на магазинот „Car“, има многу малку автомобили кои деновиве се лансираат без никаква електрификација или хибридизација. Значи, тоа е прилично традиционален автомобил од Aston Martin.
Aston Martin соработува со Lucid Motors, компанија од Калифорнија, за да создаде гама електрични автомобили во следните неколку години.
ВИДЕО:
Популарноста на теренците овие денови значи дека најпродаваното возило на компанијата е DBX.
Но, Vanquish никогаш не се однесуваше на голем волумен. Напротив, неговата реткост ќе ги зголеми интересите кај сопствениците кои бараат нешто уникатно и необично.
Новиот Vanquish ќе остане доста редок на патиштата. Тоа е веројатно затоа што ќе чини до 350 фунти.
Еден човек кој знае многу за возење брзи автомобили е поранешниот шампион во Формула 1, Фернандо Алонсо, всушност, Vanquish може да изгледа малку едноставно во споредба со Формула 1 болидот на Астон Мартин што го вози.
Тој присуствуваше на лансирањето бидејќи имаше соработка помеѓу Формула 1 технологијата и тимот што ги произведува болидите во фабрика во Ворвикшир, Англија.
„Она што го имаме сега, мислам дека е продолжување на работата за развој на Формула 1 болиди, од тимот на Астон Мартин. Продолжување на целата технологија, сите експерименти. И ние ја користиме оваа технологија во патниот автомобил. Понекогаш тоа е за безбедност, понекогаш за перформанси. И најчесто се работи за ефикасност и доверливост на горивото“, рече Алонсо.
Новиот Vanquish на Aston Martin им се придружува на DB12 и Vantage во поставата на спортски автомобили.
