Како дел од подготовките за самитот на Европската политичка заедница, украинскиот претседател Володимир Зеленски пристигна во Тирана во четврток вечерта.
Авионот на Зеленски пристигна во главниот град на Албанија околу 22:00 часот, откако полета од Турција, каде што украинскиот претседател имаше средба со својот колега Реџеп Таип Ердоган, објави A2News.
Од Анкара, пред да замине за Тирана, Зеленски му се заблагодари на турскиот претседател за разговорите и рече дека Ердоган го признава Крим како украинска територија, опишувајќи го ова како „многу важен сигнал и знак за политичка поддршка“.
