Група млади луѓе протестираа на аеродромот во Приштина, каде што се очекува да пристигне претседателката на Европската комисија, Урсула фон дер Лајен.
Тие излегоа во поддршка на поранешните водачи на Ослободителната војска на Косово, осудени од Специјалниот суд.
На нивните транспаренти, покрај „Не во мое име“, пишуваше и „ЕУ, нè предаде“ и „Денес Тачи, утре Зеленски“.
Фон дер Лајен денес ќе биде во Косово. Таа ќе биде примена на средба од вршителката на должноста претседателка на Косово, Албулена Хаџиу, и од премиерот Албин Курти.
Специјалниот суд од прв степен ги осуди Хашим Тачи и Јакуп Красниќи на по 25 години затвор за воени злосторства. Кадри Весели беше осуден на 18 години затвор, додека Реџеп Селими беше осуден на 13 години.
Од денот на објавувањето на пресудата, 16 септември, во Косово секојдневно се одржуваат протести против одлуката.
