Претседателот на Собранието Кадри Весели се изјасни за лихварската снимка каде се споменува и неговото име. Тој на прес-конференција рече дека доколку излезе вистината дека и тој е вмешан во овој случај, ќе поднесе оставка.
Во видеото каде што се сомнева дека група од најмалку 8 лица се занимавале со лихварство, измама и принуда, се споменува и името на Весел. Кадри Реџепи во еден случај се слуша дека Кадри Весели примил 200 евра, пренесува Коха.нет.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка Придонесете„Доколку се покаже дека е точно дека сум бил вмешан во овој случај, од денеска сум подготвен да поднесам оставка. Ова е мојот морал. Ова е моето животно верување. Ова е мојата политика. Со апсолутна сигурност велам дека моето име е злоупотребено во ова кривично дело измама. Кога ќе излезе вистината за ова, тогаш некој мора кривично и институционално да одговара. Без разлика дали се дел од полицијата, правосудниот систем или политиката“, рече Весели.
Тој побара да се разјаснат некои прашања кои, според него, можат природно да произлезат од овој случај, а кои исто така се однесуваат на функционирањето на органите и институциите за спроведување на законот во Косово.
„Како е можно за овој случај на организиран криминал, што имало факти во 2013 година, да се преземаат дејствија со 6 години задоцнување. Кој е тој или оние луѓе кои го покриваат овој организиран криминал повеќе од 6 години. На кого и за која сметка му требаше ова доцнење кое овозможи прикривање и неказнување на кривичните дела. Зошто овие видео-снимки толку години се во фиоките на полицијата или обвинителството и не се постапувани навреме и со соодветни дејствија“, рече тој, пренесува Коха.нет.
Тој понатаму додаде дека оваа истрага ќе се спроведе до крај.
„Јасно е дека се работи за организирана криминална шема и ве уверувам дека со ова ќе се постапи до крај. И брат ми да бил вмешан во криминал ќе одиме до крај. ПДК не е вмешана во ова злосторство. Правиме реформи и внатре во партијата и ќе се погрижиме такви луѓе да не бидат со нас“, рече Весели.
Весели додаде дека, „институционални дејствија ќе има, но не и моја одмазда“. Знам дека на некој нема да му се допадне, но ќе одиме до крај. Измамниците, криминалците мора да се искорени. Ве повикувам како медиуми да направите повеќе. Во оваа држава законот ќе функционира и неправдата ќе се плати. Пред законот и синот на градоначалникот и синот на селанецот ќе бидат еднакви“.
Тој инсистираше на тоа дека „имаме работа со шема која е измамничка, која е криминална“.