Невообичаена ситуација се случи во петокот во малата општина Каштелир во регионот Истра во Хрватска, откако работници од една компанија го кренаа албанското знаме на градилиште во центарот на градот. Како што објави „Јутарњи“, знамето е кренато по повод раѓањето на едно од децата на работниците, но некои локални жители тврдат дека слични акции се повторуваат и ги доживуваат како провокација.
Инцидентот веднаш бил пријавен кај властите, кои интервенирале и го отстраниле знамето. Полицијата покренала понатамошни постапки.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеОпштина Каштелир, во одговор, изјави дека вакви настани досега не се случиле, но дека се должни да реагираат кога постои можност за прекршување на законот. Општината се повикува на член 26 од Законот за прекршоци против јавниот ред и мир, кој предвидува дека лице може да биде казнето „ако го истакне знамето на странска држава без општ повик од општествено-политичка организација или без одобрение од надлежниот административен орган или полицијата“.
„Веднаш реагиравме штом го видовме знамето на градилиштето и ја информиравме полицијата за сè. Според нашите прописи, истакнувањето на знамето на странска земја на овој начин не е дозволено и надлежните служби сега ја спроведуваат својата постапка. Ова е прв пат да се соочиме со таква ситуација во Каштелир и очекуваме дека ќе се почитуваат правилата на Република Хрватска“, рече градоначалникот на малата општина, Јулијано Петровиќ.
Исто така, денес е Денот на независноста на Албанија - што можеби беше дополнителна мотивација за работниците да го истакнат знамето.