Улуташ се враќа во командата на КФОР: Мој приоритет е безбедноста за сите заедници

Генерал-мајор на турската армија Озкан Улуташ се врати на чело на командата на КФОР.

Во својот говор, Улуташ вети посветеност и ја нагласи важноста од продолжување на мисијата за обезбедување безбедна средина и слобода на движење за сите заедници во Косово.

„КФОР му служеше на Косово многу добро и е подготвен за секој безбедносен предизвик што може да се појави. Исто така, сакам да му се заблагодарам на КФОР за почитта и поддршката што им ја дава на своите партнери и на заедницата на која ѝ служи. Како дел од КФОР, моите приоритети за време на оваа мисија отсекогаш биле да обезбедам безбедна и стабилна средина и да ја заштитам безбедноста на сите заедници во Косово“, изјави тој.