Ministria e Shëndetësisë e Shqipërisë ka njoftuar se tre persona janë lënduar në protestë, në mesin e tyre edhe një 15-vjeçar.
Sipas njoftimit, ata janë drejtuar në Spitalin Universitar të Traumës. Në mesin e të lënduarve është një polic, një gazetare dhe 15-vjeçari.
Gjendja shëndetësore e tyre është përshkruar si e qëndrueshme derisa po kryejnë ekzaminimet përkatëse dhe po marrin trajtimin nga stafet mjekësore.
Në të njëjtin njoftim, Ministria e Shëndetësisë përgënjeshtron lajmet që po qarkullojnë për humbjen e jetës së një të mituri, duke i cilësuar ato si të pavërteta.
“U bëjmë thirrje mediave dhe opinionit publik të tregojnë përgjegjësi në verifikimin dhe shpërndarjen e informacioneve, për të shmangur përhapjen e lajmeve të rreme që shkaktojnë panik, shqetësim te familjarët dhe tensione të panevojshme në opinionin publik”, thuhet mes tjerash në njoftim.
