Тројца Косовци загинаа во сообраќајна несреќа во Германија

Тројца граѓани од Косово ги загубија животите во Германија во несреќа што се случи во четврток, објави нивен роднина.

Според извештајот, несреќата се случила додека тројцата Косовци се враќале од Косово. Жртвите се на возраст од 61 година, 34 години и 16 години. Тие се членови на семејството.

Во Германија, во текот на денот беше пријавена сериозна несреќа на автопатот А3 во Баварија. Според извештаите, автомобилот излетал од патот и паднал на железничката пруга. Не се судрил со воз, но сите тројца во автомобилот ги загубиле животите.

Тамошните медиуми не ја објавија националноста на загинатите.

Несреќата се случила во четврток наутро.