-
Од:
Радио Слободна Европа
- 30 април 2026 23:26 ч
- Споделете на:
Членката на НАТО, Албанија, повторно ќе го отвори своето воздухопловно училиште во Валона, речиси две децении откако беше затворено поради високи трошоци и штети во текот на 90-тите, објави во четврток министерот за одбрана Ермал Нуфи.
Нуфи го објави ова за време на прославата на 75-годишнината од основањето на Албанското воено воздухопловство во тактичката воздухопловна база на НАТО во Кучова, на која присуствуваа државни и воени претставници.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка Придонесете„Повторното основање на Авијациското училиште е неопходен чекор за да се гарантира континуитетот на традицијата и подготовката на нови генерации пилоти и специјалисти“, рече Нуфи.
Ова училиште ќе произведува воени и цивилни пилоти, како и воени и цивилни контролори на летање.
Училиштето ќе биде реновирано по договорот од минатата година меѓу државната одбранбена компанија на Албанија, „Кајо“, и израелската компанија „Елбит Систем Лтд“.
Нуфи во четврток не даде датум кога ова училиште ќе продолжи со едукација на пилоти.
Но, по потпишувањето на договорот минатата година, властите предвидоа дека до 2030 година училиштето ќе произведе 30 пилоти и 50 воени контролори на летање.
Военоавијациското училиште во Валона е основано во 1962 година, но претрпе големи штети за време на немирите во 90-тите и, и покрај тоа што беше реновирано и реорганизирано неколку пати, беше затворено пред две децении.
Ова соопштение доаѓа во време кога Албанија презеде неколку чекори за зајакнување на својата одбрана.
Пред еден ден потпиша договор со Италија за производство на воени бродови во поморската база Пашалиман во Валона.
Во меѓувреме, на почетокот на месецот, властите објавија дека ќе започнат и со производство на борбени дронови.
Нуфи во четврток додаде дека се работи и на подобрување на радарските системи и зајакнување на воздушната одбрана.
„Развојот на нови капацитети, особено беспилотни возила, модернизацијата на радарските системи, зајакнувањето на воздушната одбрана, како многу важни и суштински елементи за денешната безбедносна реалност“, рече Нуфи.