Земјотресот од 26 ноември во Албанија покажа неспоредлива солидарност на граѓаните и институциите на Република Косово во обезбедувањето материјална и финансиска помош за погодените од оваа трагедија.
На оваа вонредна ситуација први реагираа косовските институции кои за рекордно време испратија тимови за пребарување и спасување од КБС во Албанија, јавува КТВ.
Но, поради создадените услови и паниката по земјотресот, значителен број граѓани од Албанија се обратија кон Косово. Коалиција од околу 40 косовски невладини организации оценија дека овој прилив на граѓани не бил соодветно менаџиран.
Групата невладини организации на конференцијата одржана во петокот предложи Владата на државата да формира централен штаб за вонредни состојби, составен од одговорни институции кои ќе ги преземаат и координираат сите активности за помош на граѓаните згрижени во Косово.
За создавањето на овој штаб, групата на невладини организации најави дека се подготвени да им помогнат на државните институции со сите нивни капацитети.