Граѓаните на Косово не штедат струја и покрај повиците за кампањи од институциите на земјата и од властите за енергетика, изјави во средата во емисијата „Денес“ на КТВ Виктор Бужала од Косовското претпријатие за електродистрибуција (КЕДС).
Тој предупреди дека со овој тренд зимата ќе биде уште потешка од претходните прогнози.
„За жал, струјата во Косово не се штеди и покрај големите кампањи што се направени. Тоа немаше ефект бидејќи во текот на септември годинава во однос на лани, потрошувачката не била помала, туку поголема за 5 проценти. Ова е предупредување дека ќе има уште потешка и понепредвидлива зима отколку што очекувавме. Цела Европа е во криза и непредвидлива ситуација. А кога и најголемата европска економија како Германија ќе биде зафатена од оваа криза, влијанието врз нас ќе биде многу поголемо“, рече Бужала.
Тој рече дека се зависи од заштедите што ќе ги направат граѓаните. Доколку енергијата се користи за греење, според него, ќе има потреба од увоз на енергија и ќе се забележи кризата.
„Доколку не увезуваме и не се покриеме со локално производство, не сме погодени од кризата. Европа може да биде, но ние не сме. Затоа што цените на локалното производство се многу поволни за граѓаните. Зборуваме за цени од 30-34 евра за мегават, а тие од увоз, сега за среќа има пад околу 270-280, но во предвидената верзија се предвидува да достигне и до 1000 евра за мегават. Значи 30 пати повеќе“, рече Бужала.
Тој повика на заштеди, особено во парното и котлите.
Од витално значење е штедењето“, рече Бужала, кој нагласи дека и граѓаните побезбедно се греат на пелети или на дрва отколку на струја.
Барањето за повисоки царини Бужала го оправда со тоа дека се надминати предвидените трошоци, поради екстремно високата увозна цена.
Новинарката на КОХА Груп, Сание Јусуфи ја коментираше одлуката на Владата за субвенционирање на семејствата за заштеда на струја. Таа рече дека мерките доцнат и дека плафонските цени на дрвото и на пелетите не можат да имаат ист ефект, во време кога цените го достигнале својот врв. Како дискриминаторска ја оцени и одлуката со која се предвидува субвенционирање на 10 семејства кои трошат над 800 киловати месечно, а не за остатокот од општеството.
Јусуфи рече дека не е наменет за колективни згради кои главно се греат на струја и немаат други опции.
