Во Организацијата на Обединетите нации, на Самитот за иднината, премиерот на Албанија, Еди Рама изјави дека земјите се „на работ на извонредна опасност каде никој не е безбеден“.
Рама ја спомена војната меѓу Русија и Украина, велејќи дека оваа ситуација во Европа ги загрозува и другите земји „без оглед на нивната географска положба, големина или моќ“.
„...Новата војна го доведе во прашање, не само сè што мислевме дека е неспорно, туку и постоењето на човештвото. Соочени со примени, отворени закани за употреба на нуклеарно оружје...Светот драматично се промени откако се создадени Обединетите нации...Оваа институција останува незаменлива. Ние сме на работ на извонредна опасност и никој не е безбеден, без разлика на географската положба, големина, моќ, богатство, без разлика на политички и општествени системи. Предизвиците се длабоко меѓусебно поврзани...“, изјави во неделата премиерот Рама.
Тој, исто така, ги критикуваше земјите-членки на ОН дека „нивните постапки честопати биле далеку од исполнувањето на очекувањата“.
„ООН постојано не можеа да ги исполнат надежите на нас, народите, а стравот за иднината продолжува да расте насекаде, на исток, на запад, на север и на југ. Овие кризи ја уништија заедничката основа, а среде превирањата им наштетивме на можностите што секоја криза ни ги даваше за промена“, рече Рама.
Рама додаде дека Албанија му дала на светот добри примери „за да го заштити нашиот заеднички механизам“.
-
Рама до ОН: Косово е нераскинлив дел од меѓународната реалност
-
Рама: Косово е држава за нас, но не и за Србија – ова е големиот проблем
-
Орбан: Немаме причина да се плашиме од Русија, ние сме посилни
-
Рама: На Европа ѝ е потребен сојуз надвор од вооружувањето
-
Рама ги критикува светските лидери: Добрите зборови за климата не менуваат ништо