-
Од:
Валбона Битиќи
- 8 декември 2020 15:56 часот
- Споделете на:
И покрај тоа што ветија дека нема да има промена во односот кон Косово, новата влада на Црна Гора во првата објавена одлука ги доведе во прашање ветувањата. Само една недела по преземањето на функцијата, оваа влада го стави Косово во втор план.
Во последната публикација за мерките против КОВИД во земјава стана збор и за транзитот на жителите од соседните земји низ Црна Гора. Во оваа листа, Косово се гледа како фуснота. Мерката го носи насловот за транзит на жителите на „БиХ, Србија, Косово* и Албанија преку Црна Гора“. Документот е издаден од Министерството за здравство. На транзитниот пункт за соседните земји се нагласува дека на „жолтата листа“, каде што влегува Косово, може да транзитира низ Црна Гора, без обврска да се направи ПЦР тест.
Новите мерки стапуваат на сила вечерва на полноќ.
Новата влада на Црна Гора беше формирана на почетокот на декември. За премиер е избран Здравко Кривокапиќ, а заменик-премиер Албанецот Дритан Абазовиќ. Пред формирањето на Владата, лидерите на коалицијата, меѓу другото, ветија дека нема да има повлекување на признавањето на Косово.
