Пуповци: Не сме подготвени за онлајн учење

Заменик-министерот за образование Дукаѓин Пуповци изјави дека Косово не е подготвено за онлајн учење, што дошло како последица на пандемијата.

Пуповци во КТВ Интерактив ги обвини минатите влади, бидејќи според него немало соодветни алатки за онлајн учење. Сепак, според Пупофц, ова бил меѓународен проблем.

„Пандемијата не фати неподготвени. Училиштата се дизајнирани за физичко присуство, а не за онлајн. Сето ова што е направено со онлајн учење, е направено за да се надоместат загубите на учениците. Тоа се наведени и во меѓународните документи. Онлајн учењето не може да го замени физичкото учење. Би било чудо доколку државата во ова време ја задоволи секоја потреба на децата за онлајн учење. Замислете, минатата година немавме никакви платформи, но сега имаме неколку. Имаме училишта кои се приспособиле на апликации, како што се Zoom, Google Meet. Тука има многу проблеми, но сега е време да се решат, за да бидеме подготвени со овие платформи следната година. Ќе направиме се за да бидеме подготвени за онлајн учење од есен, доколку пандемијата продолжи да биде присутна“, рече тој.