Социјалдемократската партија пред влезот на Владата спроведе акција за случајот со убиството на жени.
Активистите на оваа партија Доњета Демоли и Теуте Руста во знак на протест испорачаа куршум на влезот од зградата.
Демоли рече дека додека Владата и Претседателството „на светот преку самити му покажуваат за мирот, во Косово жените се соочуваат со куршуми“.
„Додека оваа Влада и Претседателството парадираат низ мировните самити покажувајќи му на светот што е мир и компонираат песни во паралелен живот каде жените се соочуваат со куршуми, ова се случува на Косово. Ова е најјасен показател дека со настапот и симболиката на Владата и на Претседателството не се почести животот на жените“, рече таа, пренесе ЕО.
Генералниот директор на косовската полиција Газменд Хоџа изјави дека од 2023 година на централно ниво е подигнат степенот на безбедност за постапување случаи на семејно насилство, а на локално ниво, според него, бројот на полицајци е е зголемен.
„Минатата година го подигнавме нивото на безбедносниот сектор кој се занимава со семејно насилство на централно ниво. На локално ниво го зголемивме бројот на полицајци во полициските станици. Работиме со полицијата за во случај на реакција да биде што побрза за случаите да се постапуваат правично, реално и во свое време“, рече тој во вторник.
За случајот со убиството на жената во Пеќ, Хоџа нагласи дека надлежните органи го истражуваат случајот.
