Претседателката на Косово, Вјоса Османи, побара од Централната изборна комисија да го заштити интегритетот на изборниот процес, по најавата за дефект на софтверот за објавување гласови преку Интернет.
„Претседателот на Република Косово им честита на граѓаните кои и во овој изборен процес покажаа висока демократска култура. Таа изрази очекување ЦИК до вечерва успешно да го заврши пребројувањето на гласовите. Но, по дефектот на софтверот, информација потврдена од ЦИК, претседателот побара да се заштити интегритетот на изборниот процес, обезбедувајќи правилно пребројување на секој глас“, се вели во изјавата на претседателот на Фејсбук страницата на Претседателството.
Во соопштението се наведува дека претседателот ќе биде во контакт со институциите до целосно обезбедување дека целиот процес, вклучително и броењето и објавувањето на резултатите, се одвива согласно демократските стандарди и во согласност со волјата на граѓаните.
