Policia e Kosovës ka njoftuar se ka ndërmarrë masat e nevojshme të sigurisë për zhvillimet e parapara më 16 shtator, kur pritet të shpallet verdikti përfundimtar i Gjykatës Speciale në Hagë ndaj ish-krerëve të Ushtrisë Çlirimtare të Kosovës (UÇK).
Sipas Policisë, masat kanë për qëllim garantimin e sigurisë, ruajtjen e rendit dhe qetësisë publike, si dhe mbarëvajtjen e të gjitha aktiviteteve që mund të zhvillohen në këtë datë.
Në kuadër të përgatitjeve, bëhet e ditur përmes një komunikate për media se menaxhmenti i Policisë së Kosovës ka zhvilluar takime informuese dhe koordinuese me drejtues të departamenteve, divizioneve dhe drejtorive rajonale, si dhe me partnerët ndërkombëtarë, përfshirë KFOR-in, EULEX-in, përfaqësues të Ambasadës së SHBA-së, Zyrës së BE-së dhe OSBE-së.
Policia ka bërë të ditur se do të angazhojë njësi të ndryshme policore për të garantuar sigurinë e qytetarëve dhe zhvillimin e qetë të aktiviteteve. Në varësi të situatës, mund të ketë kufizime ose ndërprerje të përkohshme të qarkullimit në rrugët ku mund të zhvillohen aktivitete apo tubime.
Për këtë arsye, janë paraparë edhe angazhime të njësive patrulluese të trafikut, të cilat, në rast nevoje, do të bëjnë riorientimin e qarkullimit drejt rrugëve alternative.
Policia e Kosovës u ka bërë thirrje qytetarëve dhe pjesëmarrësve në aktivitete që të respektojnë udhëzimet e zyrtarëve policorë, të tregojnë kujdes dhe të kontribuojnë që çdo aktivitet të zhvillohet në mënyrë të qetë dhe të sigurt.
Sipas Policisë, planifikimi dhe zbatimi i masave të sigurisë në rastet kur priten tubime, aktivitete apo pjesëmarrje e madhe e qytetarëve janë pjesë e procedurave të rregullta policore dhe synojnë garantimin e sigurisë së përgjithshme.
“Siguria e qytetarëve dhe mbarëvajtja e aktivitetit janë prioritete të Policisë së Kosovës”, thuhet në njoftim.
Американската амбасада во Приштина ги предупреди американските граѓани да избегнуваат патување во близина на места каде што се планирани демонстрации за среда, 16 септември, денот кога ќе се донесе одлуката за поранешните лидери на ОВК во Хаг.
Специјалниот суд ќе ја донесе својата одлука во среда, на 16 септември, против поранешните лидери на ОВК, Хашим Тачи, Кадри Весли, Јакуп Красниќи и Реџеп Селими.