Косовската полиција соопшти дека значителен број луѓе учествувале на протестот што денеска пред Владата го организираше Социјалдемократската партија, против поскапувањето на струјата.
Од полицијата велат дека ги извршувале своите овластувања и цело време додека траел протестот набљудувале за да ја одржуваат безбедноста.
„Денеска околу 14:00 часот на плоштадот „Скендербеу“ во Приштина, значителен број луѓе развија протестна активност. Согласно законските овластувања, косовската полиција ја вршеше својата надлежност и за целото време колку што трае протестот ја следеше состојбата со цел да се одржи нивото на безбедност и да се создадат соодветни и безбедни околности за учесниците на демонстрациите. како и напредокот на демонстрациите, но без да се наруши квалитетот на животот на останатите граѓани, неучествувајќи“, се вели во соопштението на полицијата.
Во меѓувреме, Советот за заштита на човековите права и слободи (КМДЛН) соопшти дека на овој протест учествувале 2500-3000 демонстранти.
„Протестот беше мирен поради добрата организација на протестот како и поради доброто однесување на полицајците кои го одржуваа редот. Важно е што ниту една страна, ниту демонстрантите, ниту полицијата не презедоа ништо за тензија на ситуацијата, придонесувајќи за мирниот протест. Според набљудувачот на КМДЛН на овој протест, бројот на демонстранти бил 2500-3000 демонстранти“, се наведува во коминикето на КМДЛН.
КМДЛНј оцени дека на овој протест биле прекршени правилата за борба против КОВИД бидејќи не била земена предвид социјалната дистанца.
