Пратеникот на ПДК, Абелард Тахири, најави дека во вторник неговата партија ќе се обрати до Основниот суд во Приштина со барање за суспензија на одлуката на Управата за регулација на енергетиката (УРЕ) за влез на отворениот пазар на енергија на бизниси со над 50 вработени или со над 10 милиони евра годишен обрт.
„Утре ќе продолжиме во Основниот суд во Приштина за да се суспендира оваа одлука и овие компании да бидат снабдени со електрична енергија како што правеа пред отворениот пазар“, рече Тахири, по неуспехот на конституирањето на Собранието во понеделник.
Тој го обвини движењето Самоопределување како победничка партија за застојот во Собранието.
