Ish-presidentja e Kosovës, Vjosa Osmani, ka thënë se sot, Kosova ka një emër për Presidentin e Republikës që përfaqëson seriozitetin, integritetin dhe vizionin që kërkon një përgjegjësi e tillë.
Ajo në një postim në Facebook ka shkruar se Bekim Sejdiu është profesionist i dëshmuar, një njeri me integritet dhe një figurë që e njeh nga afër shtetin, institucionet dhe sfidat e Kosovës.
“Për mua, ai është gjithashtu një bashkëpunëtor i dëshmuar, me të cilin kam pasur nderin të bashkëpunoj për 25 vite, përfshirë në kabinetin tim gjatë mandatit tim si Presidente, si dhe ta njoh nga afër përkushtimin, karakterin dhe përgjegjësinë e tij”, ka thënë ajo.
Ka shtuar se vendimi u takon përfaqësuesve të Republikës dhe përgjegjësia për këtë vendim është historike.
“Ta bëjmë këtë zgjedhje duke menduar për Kosovën që duam të ndërtojmë, për interesin shtetëror, për stabilitetin institucional, për fuqizimin e aleancës euroatlantike e për demokracinë”, ka shkruar ajo.
Османи беше шестата претседателка на Косово. Таа ја презеде функцијата на 4 април 2021 година, откако победи со движењето Самоопределување.
Osmani nuk kishte mbështetjen e Vetëvendosjes për të marrë edhe një mandat si presidente. Pasi përfundoi mandati i saj dhe Kuvendi nuk zgjodhi emër tjetër, Kosova shkoi në zgjedhje. Osmani u rikthye në listën e LDK-së duke u prezantuar si kandidate për presidente. E mbi këtë çështje, pas zgjedhjeve, kryetari i LDK-së, Lumir Abdixhiku, pati thënë se “nuk do të bëhet kompromis”. Ndërkaq Osmani ka thënë se s’do të bëhej pengesë.
