Оптимизам во владејачката партија дека наесен ЕУ ќе ги отстрани мерките против Косово

Со конституирањето на новите структури во Европската унија постои оптимизам дека ќе бидат отстранети казнените мерки против Косово. Владејачката партија, Движењето Ветевендосје и познавачите на евроинтеграциите очекуваат мерките да бидат укинати во наредните месеци и да се смени пристапот на ЕУ кон Косово. Од Европската унија сепак не одговорија дали по формирањето на новиот естаблишмент ќе има одлучување од страна на министрите за надворешни работи на ЕУ. Од друга страна, во опозициската партија Алијанса за иднината на Косово се поскептични за укинување на мерките, додека пак велат дека Косово поради мерките може да ги загрози и фондовите на ЕУ во текот на 2025 година.

Шефот на пратеничката група на Движењето Ветевендосје, Мимоза Кусари-Лила вели дека мерките треба што поскоро да се отстранат, бидејќи како такви биле неразумни и целосно нефер.

Таа вели дека очекува по формирањето на новите структури на ЕУ, по последните избори таму, да има позитивно одлучување за укинување на мерките, како и промена на, како што вели, дискриминаторскиот пристап кон Косово.

„Досега мерките против Косово беа неразумни и целосно нефер...Косово се уште е под мерки поради спроведување на уставноста и законитоста со заминувањето на легитимно избраните градоначалници во северните општини, додека Србија не е под мерки и таму немаше никакви последици од поддршката на терористичкиот напад на Косово и кршењето на нашиот суверенитет. Беше потребно што поскоро овие да се отстранат, секако имајќи ги предвид активностите и подготвеноста на нашите институции да бидат доследни и координирани со надворешната политика на ЕУ... Се надеваме дека ќе има сосема поинаков пристап, ние имаат погрешен и дискриминаторски пристап кон Косово, а особено предлогот на посредникот Лајчак за воведување мерки на Косово“, изјави Кусари-Лила за „КосоваПрес“.

Иако вели дека треба да се укинат казнените мерки против Косово, пратеникот на ААК, Тиме Кадријај, изразува загриженост, како што вели, од продолжување на мерките поради некоординираните акции на северот.

„Првично имаме предупредувања да не се делува во оваа насока без координација во северниот дел бидејќи ќе бидеме санкционирани. Тие (владата на Курти) продолжија со свое темпо и ние денеска сме санкционирани. Дури има тенденција да продолжат овие санкции, бидејќи во оваа буџетска година ЕУ повторно одвои буџет за земјите од Западен Балкан и ние сме во опасност да го изгубиме дополнителниот буџет... Барањето на нашите сојузници беше да да не се работи на дестабилизација на ситуацијата, туку да се работи на нормализирање на состојбата во северниот дел. Сметаат дека такви акции, такви напади, на пример апсење на Србин кој го исвиркал г. Курти греши“, нагласува Кадријај.

Во меѓувреме, професорот по евроинтеграции Дритеро Арифи за КосоваПрес вели дека ЕУ може да ги отстрани мерките против Косово, но со посветеност на целосна трансформација на северот, интеграција на српската заедница, како и спроведување на обврските од бриселскиот дијалог.

„Јас чекам новата комисија да донесе одлука за отстранување на мерките, но со заложба дека Владата на Косово, барем во период од шест месеци, ќе ги спроведе сите договори што се договорени со ЕУ. Ова значи сеопфатна интеграција на српската заедница на север... Поверојатно е дека мерките ќе бидат отстранети бидејќи ЕУ исто така разбира дека треба да има рестартирање на подобри и поздрави односи меѓу Косово и ЕУ-на. „Косово не е земја која и создава проблеми на ЕУ во надворешната политика или во регионот, затоа верувам дека може да има договор за напуштање на мерките“, вели Арифи.

Високиот претставник на Европската унија за надворешна политика и безбедност, Жозеп Борел, во текот на јуни годинава им препорача на земјите-членки да ги отстранат казнените мерки против Косово, но и покрај тоа сè уште нема позитивна одлука за земјата.

ЕУ воведе казнени мерки против Косово во јуни 2023 година, поради тензиите на северот./КСП