Disa deputetë të Vetëvendosjes kanë akuzuar gjashtë deputetët e Lidhjes Demokratike që dolën kundër Bekim Sejdiut për president, si deputetë që janë pro Partisë Demokratike.
Një ditë më parë, Avdullah Hoti, Hykmete Bajrami, Arben Gashi, Janina Ymeri, Armend Zemaj e Kujtim Shala dolën kundër marrëveshjes që kryetari i këtij subjekti e arriti me Vetëvendosjen për të propozuar Bekim Sejdiun për president. Madje marrëveshja u mbështet edhe nga Kryesia e partisë. Pa këto vota, votimi i Sejdiut duket i paarritshëm nëse nuk përfshihen parti të tjera shqiptare.
Nga Vetëvendosje e kanë interpretuar këtë qëndrim si pro-PDK.
Deputetja Arjeta Fejza ka kujtuar se disa prej këtyre deputetëve dikur kanë votuar për Hashim Thaçin e PDK-së.
“Deputetët sabotues të LDK-së kanë qëndruar për ta votuar një kandidat politik të PDK-së, siç ka qenë Hashim Thaçi. Të njëjtit sot po refuzojnë ta votojnë një kandidat apolitik, siç është Bekim Sejdiu. Kjo mund të quhet frymë Thaçiane ose PDK-iane, por assesi rugoviane!” ka shkruar ajo në Facebook.
Ndërsa deputetë të tjerë janë marrë edhe me përshëndetjen që ish-emisari amerikan për dialogun Kosovë-Serbi, Richard Grenell, ua bëri deputetëve kundërshtues.
“Grenelli i falënderon 6-shen “sabotuese” të PDK-së… ups, pardon -- të LDK-së, për argatin reciprok!” ka shkruar deputeti Vigan Qorrolli.
Ndërsa Arbëreshë Kryeziu ka thënë se “PDK e AAK i gëzohen vendimit të këtyre 6 deputetëve dhe që vendi po shkon në zgjedhje”.
“Kaq për 6 deputetët dhe frymën e tyre ‘rugoviane’!” ka shkruar ajo.
Овие пратеници од опозицијата изјавија дека се против продолжување на мандатот на актуелниот премиер, Албин Курти.
Një ditë më parë, tek njoftoi për këto qëndrime, kryetari i LDK-së, Lumir Abdixhiku, nuk e përjashtoi mundësinë e marrjes së masave ndëshkuese ndaj tyre.