НАТО: Безбедносната ситуација во Косово се уште е многу нестабилна

Командантот на трупите предводени од НАТО, КФОР, Анџело Микеле Ристуча, изјави дека иако безбедносната ситуација на Косово е мирна по тензиите што се зголемија во мај, таа и понатаму е многу нестабилна.

Италијанскиот генерал-мајор изјави дека поради политички несогласувања, тензиите меѓу партиите останале високи.

„Ситуацијата е мирна по настаните од 29 мај. Но, на некој начин, ситуацијата е сè уште многу нестабилна. Согледуваме тензија - тензија поради мноштвото нерешени прашања. Ако треба да поставиме дијагноза што се случува, Би рекол дека најзагрижувачката болест е недовербата меѓу страните. Тоа значи дека нема воено решение. Единственото решение е политичко решение“, изјави тој за новинарите во седиштето на НАТО во Брисел, пренесе Ројтерс.

Според НАТО, повеќе од 90 мировни војници се повредени во судирите со српските демонстранти во северно Косово.