Министерството за внатрешни работи на Косово соопшти дека десет припадници на косовската полиција се меѓу приведените на граничните премини Мердар, Јариње, Деу и Барде и на границата меѓу Хрватска и Србија.
Министерството соопшти дека петмина се ослободени, а уште пет се уште се во притвор.
„Надлежните институции се во процес на обезбедување точни информации за расветлување на ситуацијата, но од она што го имаме досега, на граничните премини Мердар се приведени 10 припадници на косовската полиција (Албанци и Срби).Јариње, Деу и Барде и на границата меѓу Хрватска и Србија. Од нив 5 се ослободени, додека 5 се уште се во притвор, меѓу кои и заменик директорот Јанковиќ“, соопштија од МВР.
Министерството нагласи дека по одобрувањето од Парламентарното собрание на извештајот со кој се препорачува членство на Косово во Советот на Европа, возила со државјани на Косово се на мета на српските власти.
„Нашите граѓани со часови беа затворени во канцелариите на српските власти и беа интервјуирани од различни луѓе за нивното учество или евентуални врски со Ослободителната војска на Косово или војната во Косово... Овој чин Србија го запре движењето и Малтретирањето на нашите граѓани над 20 часа без разлика на возраст и пол, ја нарушува секоја човечка норма и пред се е флагрантно кршење на Договорот за слободно движење меѓу Косово и Србија“, додаде тој.
Министерството за внатрешни работи соопшти дека без никакво појаснување од српските власти, од утрото е приведен заменик директорот на косовската полиција од редовите на српската заедница, Дејан Јанковиќ. Според информациите на МВР, Јанковиќ бил испратен во Рашка „и знаејќи ја оваа повторена практика на Србија кон граѓаните и полицајците, со него разговараат разни државни актери на Србија“.
исто така
Ослободени се четворица од петмината полицајци приведени во Србија
„Апелираме до властите на Србија за итно ослободување на сите граѓани и припадници на косовската полиција приведени без никакво оправдување и во знак на одмазда за Република Косово. Во меѓувреме, бараме од целиот меѓународен фактор најостро да го осуди ваквото однесување на Србија кон граѓаните на Република Косово. Вакви дела има направено повеќе пати од оваа држава, за што повторуваме дека во затворите на Србија веќе има многу граѓани кои се неправедно притворени од истите причини против нашата земја“, рече понатаму.
