Заедничката средба на албанската и црногорската влада се одржа во вторник наутро во Скадар.
Во својот говор албанскиот премиер Еди Рама изјави дека Албанија и Црна Гора денес се „поврзани од кога било досега“, но додаде дека „во врска со ова постои голем неискористен потенцијал“.
„Многу албански граѓани во текот на годината одат во Црна Гора. Ова е секојдневието на нашите луѓе и ние треба да ги продолжиме проектите на ова секојдневие. Албанија и Црна Гора се благословени со фантастична природна убавина. Нивната заедничка промоција во прекуграничниот простор и усогласените политики за заштита на животната средина ќе ни овозможат не само да го зголемиме капацитетот да бидеме домаќини на уште повеќе туристи, туку и да ја зајакнеме вистинската потреба еден за друг“, изјави Рама.
Шефот на албанската влада, пак, истакна дека Албанија и Црна Гора имаат работа во однос на трговската размена.
Дури и премиерот на Црна Гора, Душко Марковиќ, подвлече дека треба да се унапреди економската соработка меѓу Албанија и Црна Гора.
