Избраната пратеничка на Демократската лига на Косово (ЛДК), Јехона Лушаку-Садриу, изјави дека барањето на нејзината партија во врска со преговорите со движењето Самоопределување е да ја има функцијата претседател.
Лушаку-Садриу зборуваше пред состанокот на пратеничката група на ЛДК еден ден пред конститутивната седница на Собранието.
„ЛДК отсекогаш велеше дека главните институции треба да бидат избалансирани. Дури и во оваа смисла, нашето барање е претседателството да ѝ припадне на ЛДК, а власта да биде пропорционално поделена“, рече Лушаку-Садриу.
На прашањето дали денес ќе има уште една средба меѓу лидерот на ЛДК, Лумир Абдиџику, и вршителот на должноста премиер Албин Курти, таа рече дека не е запознаена.
Пред еден ден, Абдиџику, по тричасовна средба со Курти, изјави дека не се заинтересирани за позицијата претседател на Парламентот.
