Случај против спроведувањето на правдата, Обвинителство: Одбраната се оддалечува од доказите и законот
Në Dhomat e Specializuara të Kosovës, (DhSK) në Hagë po vazhdojnë deklaratat përmbyllëse në rastin ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit.
Palët janë duke iu përgjigjur pyetjeve të gjyqtarit. Prokurori Matt Halling, tha se kjo çështje ka të bëjë me pjesëmarrje të një grupi personash të cilët nga veprimet e përbashkëta tentojnë të pengojnë një person zyrtar në kryerjen e detyrave zyrtare.
Sipas tij, mbrojtja po largohet nga ligji sa i përket parashtrimeve të argumenteve të veta.
“Mbrojtja po turret vrap nga ligji, po largohet nga ligji. Mbrojtja po largohet sa më shumë që të jetë e mundur nga provat”, tha ai.
Ai tha se tentimi për të kryer pengimin e drejtësisë pashmangshëm do qonte në kryerjen e tij.
“Është e pashmangshme që kryerja e veprave penale kundër administrimit të drejtësisë kishte mundësinë të qonte në pengimin e personave zyrtarë në përfaqësimin e dëshmitarëve në këtë çështje penale”, tha Halling.
“Ajo se çfarë po bëjnë ekipet e mbrojtjes sa i takon ligjit është shumë e qartë. Ata nuk e marrin parasysh fare jurisprudencën e çështjes 7 duke e konsideruar atë si të paarsyeshme ose të paqartë edhe kur kjo jurisprudencë lidhet me aspekte ligjore të kësaj çështje. Ata i referohen kodit penal të Kosovës, kërkesave të këtij kodi dhe kufizimeve që ligjvënësi nuk i ka shkruar fare”, tha ai.
Ai tha se mbrojta po merr rrethana të caktuara të çështjeve në të shkuarën dhe i paraqet ato sikur i përmbajnë kufijtë e dispozitave të caktuara ligjore.
“Mbrojtja nuk pranon se cila është arsyeja që ata nuk gjejnë dot një çështje në Kosovë që ka të bëjë me fakte të ngjashme me çështjen që po diskutojmë sot. Arsyeja për këtë është se nuk ka pasur asnjëherë një çështje të tillë”, tha ai.