Лидерот на Социјалдемократската иницијатива Фатмир Лимај прогласи победа во Малишева.
Лимај во објава на Фејсбук напиша дека во неговиот роден град освоиле над 40 отсто од гласовите.
„Честитки за Малишева за големата победа со над 40 отсто од гласовите, врз основа на првичните резултати. Горд сум на мојот роден град, на моите сограѓани кои денес уште еднаш докажаа дека се пример за граѓанство кое не се залажува, туку напротив поддржува луѓе кои работат и прават добри дела за Малишева и за цело Косово. Во Малишева победивме убедливо бидејќи со Малишева владее Социјалдемократската иницијатива“, напиша Лимај.
На овие избори Нисма се натпреваруваше во коалиција со ААК.
