Курти бара граѓаните да ја рационализираат потрошувачката на струја

Премиерот Албин Курти побара од граѓаните рационализирање на потрошувачката на струја.

„Како и секоја претходна зима, бараме од граѓаните да ја рационализираат потрошувачката на електрична енергија, особено во часовите од 18 до полноќ, во корист на безбедноста на снабдувањето за нас и за целата наша држава“, рече Курти. 

Тој на седницата на Владата рече дека загриженоста за недостигот на струја е препратена до КОСТТ и КЕДС. 

„Отворањето на новата трафостаница во Фуше Косово пред една недела и санирањето на штетите од пожарот во трафостаницата Приштина 3... имаа многу позитивно влијание врз снабдувањето на овие региони. Очекуваме резултати и во Феризај“, додаде Курти.