Косово го отфрли барањето на Србија за случајот Бањска

Министерството за правда на Косово во средата соопшти дека барањето на Србија да даде информации за нападот во Бањска на Звечани, пред една година, е спротивно на неколку точки од Законот за меѓународна правна соработка, а врз основа на законите на Косово, само судските тела на Косово имаат јурисдикција да судат случаи за кои се тврди дека се извршени на територијата на земјата.

На 24 септември минатата година, вооружена српска група ја нападна косовската полиција во Бањска, при што беше убиен претставникот на косовската полиција Африм Буњак.

Во размената на оган загинаа и тројца српски напаѓачи.

Одговорноста за нападот - кој Косово го смета за терористички - ја презеде поранешниот потпретседател на Српската листа, Милан Радоичиќ, за кој сега се верува дека е во Србија.

Истрагата за овој случај на Косово ја спроведува Специјалното обвинителство, а извори од РЕЛ во оваа институција велат дека се очекува пред есен да биде покренато обвинение за случајот Бањска.

Истраги за овој случај спроведува и Вишото обвинителство во Белград, кое побарало информации во Косово за случајот Бањска, преку Мисијата на Европската унија за владеење на правото, ЕУЛЕКС.

Канцеларијата на Европската унија во Приштина пред неколку недели за Радио Слободна Европа потврди дека го прифатила барањето на српските власти и го препратила до косовските власти.

Во реакцијата на Министерството за правда се споменува дека Косово никогаш не добило одговор од Србија, во барањето во октомври минатата година „за предавање на криминалците за да можат да бидат изведени пред лицето на правдата во Р. Косово“.

Ова министерство повика на меѓународна истрага за, како што рече, „базите за обука на терористите на територијата на Србија, вмешаноста на Србија во финансирањето и снабдувањето со оружје на терористите“.

Американскиот амбасадор во Косово, Џефри Ховениер, во интервју за РЕЛ на 14 август изјави дека Косово може да помогне Радоичиќ да биде одговорен за кривичното дело.

„Колку што знам, српските функционери разговарале за ова, поднеле официјално барање преку официјални канали за меѓусебна правна помош, да ви ги достават доказите што ви се потребни за да го гоните г. Радоичиќ, што го имаат косовските власти. Повторно, на политичка основа, би се надевал дека Владата на Косово ќе одговори на ова барање, бидејќи сакате да се осигурате дека ќе има кривично гонење и дека г. Радоичиќ, како и другите кои беа инволвирани, ја даваат одговорноста за нивното криминално дело“, рече Ховениер.

Меѓународниот механизам неколку пати ги повика властите во Србија да ги понесат одговорните сите одговорни за овој случај.