-
Од:
Радио Слободна Европа
- 20 април 2026 18:55 ч
- Споделете на:
Комесарот за проширување на Европската унија, Марта Кос, ги опиша како „охрабрувачки“ случувањата околу петте европски земји кои не ја признаваат независноста на Косово.
За време на вонредниот состанок на Комитетот за надворешни работи на Европскиот парламент, известувачот за Косово во ЕП, Рихо Терас, го праша комесарот Кос што прави Европската комисија во врска со петте држави што не ја признаваат независноста, кога неодамна разговарала за нив и како треба да постапи во овој поглед.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка Придонесете„Во однос на петте држави што не ги признаваат, следам што се случува и развојот е охрабрувачки“, рече кратко Кос, без да даде дополнителни детали.
Грција, Шпанија, Романија, Словачка и Кипар, земји-членки на ЕУ, не ја признаваат независноста што Косово ја прогласи во 2008 година.
Неприфаќањето од страна на овие земји се смета за пречка на европскиот пат на Косово.
Косово ја поднесе својата апликација за членство во ЕУ во декември 2022 година. Сепак, оваа апликација сè уште не ја поминала ниту првата формална фаза, односно фазата на разгледување од страна на Советот на ЕУ, а потоа испраќање на мислење до Европската комисија.
За време на состанокот, Терас ја праша и Коси зошто таа сè уште не го посетила Косово откако ја презеде функцијата. Еврокомесарот рече дека и покрај тоа што не е во Косово, таа е во контакт со властите во Приштина.
Таа нагласи дека поради политичката ситуација, била принудена да ја одложи посетата на Косово. Сепак, Кос, во својот воведен говор на сесијата, рече дека очекува наскоро да биде во Косово за реформи поврзани со Планот за раст.
„Ги укинавме мерките и очекуваме Владата да продолжи со потребните реформи за да има корист од поддршката на ЕУ. Наскоро ќе бидам во Приштина за да го поместам ова прашање напред“, рече таа.
На 16 април, Косово доби 61.8 милиони евра претфинансирање, откако земјата ги достави потребните документи до ЕК и ги ратификуваше договорите поврзани со овој план.
Пакетот на ЕУ за Западен Балкан – за периодот 2024-2027 година – вреди 6 милијарди евра. Ако ги анализираме буџетските распределби, Косово има право на околу 882 милиони евра – 253 милиони во грантови и 629 милиони евра во форма на заеми – што значи дека има корист од најмногу средства во регионот по глава на жител.