Градоначалникот на Приштина, Перпарим Рама, објави дека започнале со отплата на долгот по делумното доделување на средства од Министерството за финансии.
Претходно, вршителот на должноста министер за финансии, Хекуран Мурати, изјави дека на Општина Приштина ѝ се издвоени 2.7 од вкупно 25 милиони евра приходи од сопствени извори за 2024 година.
Во објава на Фејсбук, градоначалникот на Приштина напиша дека Дирекцијата за финансии денес работи прекувремено за да изврши плаќања.
„Конечно, започна делумното доделување на финансиски средства од 25 милиони евра од трансферот за 2024 година од Министерството за финансии до Главниот град. Дирекцијата за финансии на Главниот град ќе продолжи со работа денес, надвор од редовното работно време, со цел што побрзо да се обработуваат плаќањата. Во согласност со динамиката на распределба на средствата од страна на Министерството, ние како општина ќе продолжиме континуирано и редовно да ги обработуваме плаќањата“, напиша Рама.
Тој понатаму рече дека очекува целосната распределба на 25 милиони евра од Министерството да биде завршена што е можно поскоро.
Причината за овие долгови е тоа што Урбаниот сообраќај во главниот град не работи веќе девет дена.