Хоџа, Хан: Како што очекувавте да ги исполниме условите, сега очекуваме да ги отстраните визите

Министерката за евроинтеграции, Дурата Хоџа, на границата меѓу Косово и Србија го прими еврокомесарот за проширување Јоханес Хан, оценувајќи ја неговата посета како важна.

Хоџа во оваа прилика на социјалната мрежа Фејсбук напиша дека неговото денешно доаѓање на Косово е важно бидејќи е поврзано со моменталната клима во односите на Косово со соседите, со пораки за унапредување на добрососедството и регионалната соработка.

„Во секој случај, нашиот фокус не е само на добрососедството и регионалната соработка, за што дадовме многу докази, туку и интеграцијата на Косово во меѓународните организации и либерализацијата на визите. Не може да се постигне успех во интегративните процеси, ако граѓаните на Косово имаат ограничувања и се единствените во гетоизирана Европа. Ги исполнивме сите 95 услови предвидени со патоказот за либерализација, затоа, она што го очекуваме е одобрување на слободното движење, како неопходен чекор на добра волја и реализација на напорите за интегративниот процес и заедничките интегративни вредности“, рече Хоџа. .

Таа рече дека ќе му дадам до знаење на Хан дека како што од нас очекуваа исполнување на 95 услови од патоказот за либерализација, „од вас очекуваме и одобрување на одлуката за либерализација во Советот на министри“.