Хоти вели дека нема договор меѓу партиите за одобрување на Буџетот за 2021 година

Косовскиот премиер Авдулах Хоти во вторникот на прес-конференција рече дека нема договор со Демократската партија за гласање за буџетот за 2021 година.

„Предлог-законот за буџетот за 2021 година го доставивме до Собранието, очекувам дека сега ќе помине во собраниска процедура. Со ПДК нема договор за законот за буџет, договорот со нив беше за законот за економско закрепнување. Дојдоа со некои амандмани, ние ги прифативме и всушност, знаете, од почеток ја поканивме целата опозиција да стане дел од законот за економско закрепнување. Ги прифативме тие амандмани, изгласан е законот за опоравување на буџетот, треба да видиме сега во наредните денови и недели“, рече Хоти на прес-конференцијата.