Хоти: Во Косово нема место за Влада која е санкционирана од евроатлантските сојузници

Поранешниот премиер на Косово Авдула Хоти изјави дека во Косово нема место за Влада која е санкционирана од евроатлантските сојузници.

Хоти ова го изјави на средбата со поранешниот заменик-шеф на мисијата на ОБСЕ на Косово, Едвард Џозеф.

„Многу пријателска и информативна средба и разговор со Едвард П. Џозеф од САД, долгогодишен надворешнополитички аналитичар и искусен експерт за Балканот. Интересна е неговата перспектива за актуелните случувања во регионот. Му дадов мои оценки дека: (1) Косово секогаш развивало дијалог и се договарало со сојузниците за неопходните чекори, секогаш во функција на евроатлантските интеграции; (2) Косово постигна напредок во минатото само затоа што направи мудра и координирана политика со своите сојузници; (3) За разлика од Србија, Косово нема друг пат освен евроатлантските интеграции, ниту пак сака да оди по друг пат; (4) Во Косово нема место за Влада која е санкционирана од евроатлантските сојузници, бидејќи Косово има егзистенцијални односи со Западот, а не само дипломатски“, напиша Хоти на Фејсбук.

Европската унија најави преземени мерки против Косово, поради тензиите на северот.

ЕУ постави неколку точки за ескалација на ситуацијата на северот, а беше кажано дека премиерот на Косово Албин Курти не презел нивна обврска да ја ескалира ситуацијата.

ЕУ соопшти дека дел од мерките се веќе преземени, а за некои се уште се разговара. Беше речено дека мерките се привремени. Мерки презедоа и САД, кои ги отстранија КБС од вежбата „Бранител Европа ’23“.