Вршителот на должноста претседател на Косово, Албулена Хаџиу, ја покани Европската Унија да испрати набљудувачка мисија за вонредните парламентарни избори закажани за 7 јуни.
Во писмо упатено до претседателката на Европскиот парламент, Роберта Мецола, и високата претставничка на ЕУ за надворешни работи и безбедносна политика, Каја Калас, Хаџиу побара изборниот процес во Косово да биде следен и оценет преку независна мисија.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка Придонесете„Во согласност со уставните одговорности, донесов одлука за одредување датум за предвремени избори. Со оглед на важноста на овој процес, ја поканувам Европската Унија, преку независна набљудувачка мисија, да го следи и оцени спроведувањето на изборите“, рече Хаџиу, според соопштението на Претседателството.
Хаџиу подвлече дека присуството на набљудувачка мисија на ЕУ ќе ја зголеми транспарентноста, кредибилитетот и интегритетот на изборите, во согласност со демократските стандарди и заложбите на Косово за слободни и фер избори.
Таа, исто така, ја пофали континуираната улога на ЕУ во поддршката на демократските институции во Косово, нагласувајќи дека оваа покана е продолжение на институционалната пракса и доказ за посветеност на отворен и кредибилен изборен процес.