Ish-kryetari i Gjykatës Kushtetuese, Enver Hasani, ka thënë se përdorimi i termit “populli serb” të mërkurën në seancën konstituive të Kuvendit nga deputeti i Listës Serbe, Igor Simiq, nuk mund të prodhojë pasoja juridike.
Претставникот на Српската листа, Игор Симиќ, за време на номинирањето на Славко Симиќ за потпретседател, рече дека тој е предложен „во име на српскиот народ“.
Kjo ngjalli reagime dhe ishte një nga arsyet që nuk pati dakordim për mënyrën e votimit në pako të nënkryetarëve të Kuvendit dhe u shty seanca konstituive për të premten.
“Është liri e tij. Unë flas në emër të popullit serb të Kosovës. Po ka popull serb, boshnjak, turk, e edhe popull malazez në Kosovë edhe pse nuk është kategori kushtetuese. Kjo logjikë në Kuvend duhet të ketë kufij, pasi një ditë mund të eskalojë situata. Në politikë s’mund ta luash letrën e konfliktit. Nuk ka asnjëherë pasojë. Është çështje identitare. E kemi me Kushtetutë”, ka thënë Hasani në “Konfront” të KTV-së.
Ushtruesja e detyrës së presidentes Albulena Haxhiu i bëri thirrje Simiqit ta tërheqë fjalën. Por, Simiq nuk e tërhoqi. Kjo ishte një nga dy arsyet që u shty seanca.
“Popull serb ka në Serbi, ndërsa Republika e Kosovës e ka popullin e Kosovës, ku 92% janë shqiptarë, 4% serbë dhe 4% nga komunitetet e tjera”, tha Haxhiu.
Arsyeja tjetër për shtyrje të seancës ishte se kandidatët e PDK-së dhe LDK-së ka thënë se nuk kishin vota, edhe pse mbështetja e tyre nuk është testuar përmes votimit
