Косовскиот премиер Рамуш Харадинај симболично ја предаде сребрената плоча која е поврзана со печат поставена од Поштата на Косово со која поштата и владата го почестуваат американскиот конгресмен Елиот Енгел за неговата посветеност на Косово.
„Енгел со години беше поддржувач на Косово. Заложбата на Енгел за Косово е голема“, рече Харадинај на свечената седница на Владата што се одржа во чест на посетата на конгресменот Енгел на Косово.
На оваа средба Харадинај го информирал конгресменот Енгел дека само во првите два месеци од владеењето Владата донела 120 одлуки во рамки на дневниот ред.
„Ние сме во фаза на зајакнување на законот и поредокот на економскиот развој со цел економски заживување. Она што ја карактеризира оваа влада е блиската соработка со амбасадата на САД, со цел продолжување на зајакнувањето на односите.
Додека американскиот конгресмен Елиот Енгел увери дека неговата земја ќе продолжи да го поддржува Косово, велејќи дека оваа земја сè повеќе напредува.
„Премиере, можете да сметате на мене дека секогаш ќе ја имате мојата поддршка. Нема да застанеме додека сите не разберат дека Косово е стабилизирачка земја на Балканот и пријател на САД“, рече Енгел.
Тој вчера го пофали процесот на гласање.
Харадинај, пак, побара поддршка од САД во однос на либерализацијата на визите, процесот на дијалог со Србија и признавањето на Косово.
После тоа, Харадинај на Фејсбук објави за нивната средба:
Нашата посебна врска со нашиот единствен пријател, конгресменот Елиот Енгел е скапоцено богатство што ќе остане во сеќавањето на многу генерации.
Албанците секогаш ќе бидат благодарни за неговиот историски и незаменлив придонес за слободата и независноста на Косово. Никогаш нема да го заборавиме неговото време и љубов посветени на прашањето за Косово!
Средбата со него секогаш ми дава надеж, дека нашата земја е на вистинскиот пат во прифаќањето на заедничките вредности.
Косово со Соединетите Американски Држави, засекогаш!
