Косовската полиција соопшти за состојбата на граничните пунктови во Јариње и Берњак.
Во петокот вечерта е поставена нова барикада во населба која води кон Звечан, соопшти полицијата.
„Во текот на ноќта продолжи поставувањето на нова барикада, во населбата Берџане што води кон Звечан, за да продолжи попречувањето на слободата на слободното движење по алтернативните патишта, што дополнително ги загорчува животите на граѓаните на северот од државата.
Од поставувањето на барикадите на северот на државата, безбедносната состојба продолжува да биде иста, двете гранични пункта Јариње и Берњак продолжуваат да се затворени, како што сега се знае поради поставување барикади од криминални групи. Полицијата во повеќе наврати најави дека со барикадите се нарушува слободата на слободно движење и влез и излез на граничните точки за граѓани и стока.
Синдикатот на КП во саботата повика на смена на полицајците откако соопшти дека исти полицајци веќе осум дена се заробени на север и им е загрозено здравјето.
Во меѓувреме, министерот за внатрешни работи Џељаљ Свечла изјави дека Косово ги има сите капацитети да ги отстрани барикадите, но дека се координира со меѓународниот фактор за адекватен одговор.