Франција ги поздрави предложените промени во Европската унија за начинот на прием на нови земји, што би можело да го израмни патот кон членство на балканските земји откако францускиот претседател Емануел Макрон ги блокираше преговорите за членство.
Еврокомесарот за проширување Оливер Вархеји во средата ја претстави новата методологија за прием на нови држави. Реформите беа преземени откако Макрон го блокираше почетокот на преговорите со Северна Македонија и Албанија - одлука што лидерите на ЕУ ја опишаа како историска грешка - и побараа промени во таканаречениот процес на проширување на блокот, пренесува Ројтерс.
Вархеји рече дека проширувањето е „геостратешко“, упатувајќи на ставот дека ЕУ не може да го запре своето опаѓачко влијание без стабилизирање на Балканот.
„Продолжуваме да целиме кон целосно проширување“, рече тој на прес-конференција по објавувањето на реформите на Европската комисија.
„Членството во ЕУ му се нуди на целиот регион, вклучително и на Косово“, рече тој на прес-конференцијата, пренесува Коха.нет.
Реформските предлози ќе им дадат на земјите-членки на ЕУ поголема моќ да го паузираат или да го сменат процесот на прием на нови земји, па дури и да ги принудат земјите да ги рестартираат разговорите во некои области.
„Тоа е чекор во вистинската насока“, изјави француски претставник во Париз. „Ова е вистинска промена на методологијата што е предложена. Тоа е важна и позитивна промена“.
исто така
Европската комисија го отвора патот Франција да го укине ветото за Албанија и Северна Македонија
Запрашан дали тоа е доволно Франција да се откаже од своите приговори, функционерот рече дека Париз ќе се консултира со другите земји од ЕУ напролет пред да донесе одлука.
Во Брисел, Вархеји нагласи дека ЕУ има намера да ги прифати шесте балкански земји во блокот - Северна Македонија и Албанија, како и Србија, Косово, Црна Гора и Босна.
Европската комисија - извршното тело на ЕУ - мора да го добие францускиот договор за пристапниот процес пред самитот во Загреб со шесте балкански држави во мај.
