Американскиот амбасадор во Косово, Грег Делави, изјави дека придонесот на народот на Косово, но и на најдобрите пријатели го донел Косово овде, кое има само 10 години постоење како држава.
Делави зборуваше на приемот што премиерот Рамуш Харадинај го организираше за делегацијата од Ајова.
„Косово нема подобар пријател од САД, а во САД нема подобри пријатели од Ајова. Работиме напорно за оваа држава, но колку и да правиме дипломатија, нема подобра дипломатија од директен контакт со сите вас, на кој сте сведоци. Ви благодариме за соработката во областа на економијата, бизнисот, образованието и твининг проектите“, изјави Делави, пренесува телевизија 21.
Во меѓувреме, генералот Тимоти Ор рече дека соработката меѓу Косово и Ајова е достигната до ова ниво, благодарение на меѓусебната доверба.
„Во овие години што доаѓам на Косово, бев сведок на промени, бев сведок на историјата. Напредуваме, пишуваме историја, благодарение на меѓусебната доверба. Нашата соработка е модел и за Стејт департментот, бидејќи верувавме еден во друг“, рече Ор.
На оваа церемонија Харадинај го прими и почесниот сертификат од Претставничкиот дом на Ајова за сиот придонес за унапредување на односите меѓу Косово и оваа земја.
-
„Ајова не најде подобра соработка од Косово и неговиот народ“
-
Делави: Косово треба да ги интегрира Србите за да ги надмине тензиите со Вашингтон
-
Харадинај: Односите Косово-САД никогаш не биле подобри од сега, идејата за границите од минатиот век
-
Тачи и Харадинај во САД, Делави со силни пораки во Приштина
-
Делави: „Не рековме дека ќе прифатиме се“