Пратеничката на Демократската партија на Косово, Влора Читаку, изјави дека премиерот Албин Курти, надвор од какви било правила, го прогласил Собранието за конституирано и избрано и Владата без никаква политичка одговорност.
Читаку во реакција напиша дека ќе ги употребат сите политички и правни средства за враќање на демократијата, законитоста и уставниот поредок.
ДПК најави дека утре ќе се обрати до Уставниот суд, а претходно изјави дека ќе го оспори и конституирањето на Собранието и изборот на Владата на Курти.
„Републиката не функционира според волјата на една личност. Собранието не е приватна сопственост. Уставот не е мени од кое избирате што сакате, а што не. ДПК не е ниту заведена, ниту уценета, ниту потчинета. Ќе ги употребиме сите политички и правни средства за да ја вратиме демократијата, законитоста и уставниот поредок во земјата“, напиша Читаку.