Бислими: Писмото на Бранабиќ не е повлечено

Косовскиот вицепремиер Бесник Бислими изјави дека писмото на поранешната премиерка на Србија, Ана Бернабиќ, против спроведувањето на точките од Договорот со кои се потврдува државјанството на Косово не е повлечено. 

Бислими рече дека тоа му го потврдил на претставникот на ЕУ за дијалогот Косово-Србија, Мирослав Лајчак, на средбата со него во вторникот.

„За мене таа изјава беше многу чудна бидејќи не беше спомната на средбата. Писмата не се повлекуваат во тајност. Постојат процедури за нивно повлекување. Денеска од господинот Лајчак дознавме дека писмото не е повлечено. Но, она што сакаше да го каже во Приштина е дека работи со Србија за повлекување. Но, тоа не останува. Писмото не е повлечено. Нема ниту барање за негово повлекување, но се работи во таа насока истото да биде повлечено“, рече Бислими во изјава за медиумите по средбата. 

На 6 септември, по состанокот што го одржа со Бислим во Приштина, Лајчак рече дека писмото на Бернабиќ е повлечено. 

„Писмото (на поранешната премиерка Ана Бернабиќ) е повлечено. Овде и таму има изјави кои воопшто не помагаат. Но, договорот како таков важи во целост и надвор од тоа, договорот веќе стана дел од европскиот пат на Косово и Србија. Значи, важи и во двата правци. Нешто се договоривме, но ова не можеме да го кажеме без да се координираме со другите“, рече Лајчак.